घुर्ने समस्याबाट कसरी मुक्ति पाउने?

२०७६-०२-२१
घुर्ने समस्याबाट कसरी मुक्ति पाउने?

घुराइको मुख्य कारण श्वासमा हुने अवरोध नै हो। श्वास नलीको माथिल्लो भाग फेरिङसको मांसपेशी शिथिल हुन्छ, जसका कारण श्वास भित्र तान्दा आवाज आउँछ। रातको समयमा श्वासमा रोकावट आउनुमा विभिन्न कारण हुन्छन्। जसमा निद्रा बारम्बार खलबलिनु, टाउको दुखाइ, पर्याप्त निद्राका बावजुुद फुर्ति महसुस नहुनु आदि हुन्।

घुुर्नुलाई हामीले सामान्य रुपमा लिन्छौं। तर, यो रक्तचाप, मुटुरोग, मष्तिष्काघात, श्वासमा रोकावट, मोटोपनाजस्ता खतरनाक रोगका संकेत हुन सक्छ । डाक्टरहरूका अनुसार घुर्ने क्रममा श्वास रोकिएर मानिसको मृत्युसमेत हुुन सक्छ। त्यसैले यसलाई हल्का रुपमा मात्र लिनुहुन्न।

यतिमात्र नभई घुर्ने मानिसको यौन जीवनमा पनि समस्या आउने हुन्छ । यस्तै, करिब ७० प्रतिशत उच्च रक्तचापबाट पीडित मानिस स्लीप एप्नियाबाट पीडित भएका हुन्छन्। जर्नल अफ अमेरिकन मेडिकल एशोसियसनमा प्रकाशित एक अध्ययनअनुसार बेस्सरी घुर्नु एप्नियाको सबैभन्दा प्रमुख लक्षण हो। घुर्नु उच्च रक्तचापको संकेत पनि हो।

बढी मोटोपना, फ्याटी टिस्युु र खराब मांसपेशी पनि घुराईको कारण हुन्छ। युनिभर्सिटी अफ सिकागोको एक अध्ययनअनुसार घुर्दा निद्रा खलबलिन्छ, जो मोटोपनाको कारण बन्छ। यस्तै, विस्कन्सिन विश्वविद्यालयको एक अध्ययनअनुसार स्लीप एप्नियाबाट ग्रसित मानिसमा क्यान्सरबाट मृत्युहुने सम्भावना ५ गुणा बढी हुन्छ। यसैले घुराईमा क्यान्सर पनि कारक हुन सक्छ।

चिकित्सकका अनुसार निद्रासम्बन्धी रोग ‘अब्स्ट्रक्टिभ स्लीप एप्निया’ पनि मुटुरोगका लागि जिम्मेवार मानिन्छन्। त्यसैले मुटुसम्बन्धी रोगको मुुख्य कारण घुराई पनि हो। डेट्रोइटस्थित हेनरी फोर्ड हेल्थ सिस्टमले बेस्सरी घुराई र धमनीकोक्षतिबीच सम्बन्ध पाएको थियो, जो स्ट्रोक र हृदयाघातका लागि कारण हुन्छ।

घुर्नुको कारणहरु के के हुन्?
१.    नाकको समस्या: पिनास वा एलर्जीको कारण नाकको भित्री भाग सुन्निएमा यसले हावाको प्रवाहमा असर गर्छ । साथै नाकको दुई प्वाल विचको भाग (सेप्टम) बांगीएको मानिसहरुमा पनि घुर्ने समस्या हुने गर्छ ।
२.    घाँटी र जिव्रोको मांसपेसीको समस्या: हाम्रो घाँटी र जिव्रोमा रहेका मांसपेशीहरु राम्रोसंग खुम्चिन नसक्ने स्थितिमा त्यो पछाडी सरेर हावा संचालन हुने बाटो साँघुरो गरिदिंदा पनि घुर्ने समस्या आउँ सक्छ । 
३.    घाँटीको आकार: प्राय मोटो मानिसहरुमा बोसोले गर्दा यदि घाँटीको आकार ठूलो भएमा यसले पनि घुराइको समस्या निम्त्याउन सक्छ ।
४.    रक्सी, निन्द्रा लगाउने औसधी र बुढो हुदै गएपछि यसले समस्यालाई थप वल्झाउदै जान्छ ।
५.    सुताईको आसन नमिलेको खण्डमा पनि घुर्ने लक्षण देखिन सक्छ ।

घुर्ने वानीले स्वास्थ्यमा के असर गर्छ? 
१.    घुर्नु आफैमा एउटा रोग नभएर विभिन्न रोगहरुमा देखिने एउटा लक्षण हो । त्यसैले यसको उपचारको निम्ती हामी स्वासप्रश्वासको कुन अंगको खरावीले घुरिरहेका छौं थाहा पाउन जरुरी हुन्छ । 
२.    घुर्ने वानी “स्लिप एप्निया” भनिने छोटो समय स्वासप्रश्वास बन्द हुने एक किसिमको रोगको पनि लक्षण हो । 
३.    राती सुत्दा घुर्ने वानीले हाम्रो निन्द्रालाई असर गर्छ । त्यसले गर्दा दिउसो आलस्य हुने, झर्को लाग्ने र काममा ध्यान केन्द्रित गर्न नसक्ने हुन सक्छ ।
४.    पछिल्लो केहि अध्ययनहरुको अनुसार लामो समय देखि घुर्ने वानी भएको मानिसहरुमा यसले मुटुको समस्या निम्त्याउन सक्छ । साथै यसले घाँटी भएर बग्ने रगतको नलीलाई पनि असर गर्न सक्छ ।
५.    घुर्ने वानीले गर्दा संगै सुत्ने मानिसको पनि निन्द्रामा असर गर्न सक्छ र यसले दुईजना विचको सम्बन्धमा पनि फाटो ल्याइ मानसिक समस्या निम्त्याउन सक्छ । 

उपचार के गर्ने?
१.    तौल घटाउने: मोटोपना पनि घुर्नुको एउटा कारण हो । त्यसैले खानपान र व्यायाममा विशेष ध्यान दिएर तौल घताएमा घुर्ने वानी केहि हदसम्म कम हुन सक्छ ।
२.    सुत्नु अघि धुम्रपान र रक्सी सेवन नगर्ने
३.    सुत्ने आशन परिवर्तन गर्ने: उत्तानो परेर सुत्ने भन्दा कोल्टे फर्केर सुत्ने गर्नाले घुर्ने वानी कम हुन सक्छ । साथै आफु संगै सुत्ने मानिसलाई कुन आशनमा सुत्दा घुर्ने वा नघुर्ने ख्याल राखी पछि नघुर्ने आशनमा सुत्न पनि सकिन्छ ।
४.    घुर्नुको कारण पत्ता लगाएर त्यसको उपचार गर्ने ।
५.    औसधी: नाकमा छर्किने केहि औसधी चिकित्सकको सल्लाह मार्फत प्रयोग गर्न सकिन्छ ।
६.    शल्यक्रिया: माथि उल्लेखित विधीले पनि घुर्ने वानी कम गर्न नसकेमा केहि शल्यक्रियाका विधीहरु मार्फत यो समस्याको हल गर्न सकिन्छ । 

 

No comments yet. Be the first one to comment.

© २०१७ - २०१९ भलाकुसारी | सर्वाधिकार सुरक्षित

Connect Nepal IT Solution